話說今早打風～ 海馬哥控8號波都控左成半日嫁～ QT覺得就唔係李氏力場失效，而係見大家成日話佢老闆風同政文台打晒假波，佢就扮晒野要平反下冇造馬一事，俾個甜頭大家今日就掛耐d個8號波囉！雖然今日好多人都唔洗開工返學～ 但都有好多服務行業依舊照常開工服務香港！在此QT想同以上人士講返句辛苦晒唔該晒多謝你地！因為你地冒生命危險去保持個香港唔完全停頓🙌🏼
入返正題！因為今日俾個煩人一早email嘈醒！令QT他媽的唔洗開工可以訓晏嘅美夢被打擾！訓唔返😱 先10點囉～～ 於是開IG look下～ 見朋友正在想搵香港真係好味嘅米線！都忍唔住口留個言介紹佢依一間！「貴香圓」係我2nd choice 嘅米線餐廳～ 主要係佢地對煮米線嘅一份執著！用嘅係紅米線，特別軟滑唔粉質口感！除左材料店鋪選好嘅，佢地煮都一樣用心！即叫即煮！「「「講緊係你點乜湯底同餸即時連湯即煮！」」」單係依一點已經要俾高分！甘做真真正正令米線同餸熟度岩岩好而且超入味< 重要所以要特別注明！！！！你地知嗎？出面d預先煮熟好餸同米線放涼一邊，有人落單就拖下熱水就送落個湯底度《 你聽到都覺冇誠意啦！
佢地嘅湯底都好多選擇嫁！款款都好好味絕對唔係味精味！QT最愛係雲南小鍋酸辣湯底！但我都超級推介大家要試佢地嘅沙爹湯底！配米線米粉紅薯粉都好正！我都想講佢地嘅紅薯粉都超Q軟又滑嫁😍
餸方面大概都係個類，但個人覺得豬潤！豆卜！魚腐！魚皮餃必點！ 小食就必食「單山雞翼」超脆脆又入味😋
成日食三哥，星林有冇覺悶先？試下依間啦！QT誠意推介🙌🏼 包大家話正！
但QT提提大家由於佢地好執著即叫即煮，都比較用時間，等食要d時間 ～ 爆場時更加可能要等30分鐘以上😅所以趕時間者就唔好考慮喇，等想品味人生享受食物個時先去啦～ 費時d人自己趕又話餐廳出菜慢走去同餐廳口角，食完又食得唔開心啦～ 甘趕就去食快餐啦～ 或者走轉入廚房感受下啦！😆
地址： 貴香園 (旺角)
旺角西洋菜街216號地下
Search